迎接春季cafe推介🌸 上環隱世田園風咖啡店! 櫻花鮮奶咖啡

春天為大地帶嚟鮮花😆 今次去到上環太平山街試咗其中一間好有人氣嘅咖啡店 Ho-ah Cafe。呢間cafe 喺太平山街小巷嘅角落，感覺比較隱世，但門口舖咗綠色草坪，仲有單車做擺設，好有外國田園風情！ 而cafe 門口同轉角位都係戶外用餐區，放咗好多木枱同椅子，客人可以喺外面食嘢，感覺好chill☺️！ 店內裝修是簡約木系風，大落地玻璃窗門令室內好光猛，好有自然感好舒服。另外室內充木椅子加入咗了藤元素，店內店外都充滿田園感🥰！ ～ SAKURA COFFEE LATTE🌸☕️ $55 呢間cafe 出名花茶，有好多唔同種類花茶選擇。咁啱春天到來，當然要揀春季嘅花-櫻花, 而好正嘅係呢度有櫻花鮮奶咖啡 SAKURA COFFEE LATTE。 咖啡用咗有耳嘅白色直條紋陶瓷杯裝，靚得來仲有少少優雅。咖啡上嘅拉花好靚，表面仲撒咗幾塊玫瑰花瓣。咖啡飲落香濃，都算好飲，但櫻花味唔係好多，但係應節OK！ ～ 香草慢煮雞胸配自家製忌廉芝士醬貝果🥗🥯🍗 $118 主食試咗呢度嘅人氣Bagel - 香草慢煮雞胸配自家製忌廉芝士醬貝果。Bagel仲有唔同口味，最後揀罌粟籽口味。呢個貝果表面係滿滿黑色嘅罌粟籽，烘得香脆，食落軟硬度適中，唔太實又有咬口。雞胸肉係慢煮，所以keep 到雞肉有微微粉紅色，食落肉質嫩滑，唔會乾，夾埋佢哋自家製忌廉芝士醬一齊食，好夾，好好食。😋 ho-ah Cafe 📍上環太平山街18B號地舖 推介程度：❤️❤️❤️❤️❤️ #春季#推介#隱世#田園風#櫻花 #櫻花鮮奶咖啡#文青#咖啡#Hoah#coffee#cafe#bagel#貝果#田園風#上環#熱門菜式#打卡#攻略#chill#下次要再食